| 聽到以下邊d野會令你有嘔心o既感覺? 1)有一次,中年男人車我去食飯,個陣落緊毛毛雨,佢話: "我唔應該俾你落車先,我應該同你o係雨中漫步" (佢把聲好淫又色迷迷望住我咁講) 2)又有一次,佢叫我同佢食飯,佢食得好慢,又食好少野,我問佢做咩食咁少野,佢話: "因為我好享受同你傾偈o既時間,如果日日唔使做野,可以望住你食飯同傾偈,你話幾好呢?" 3)有一次,佢叫我去starbucks傾公司d野,但就同我講佢有好多錢,又有好多樓o係深圳,佢話: "等你做多排先,我俾層樓你住!" (佢o既眼神係咪當左我係二奶?) 4)又有一次,佢叫我去食飯傾公事,但不斷同我講: "我同我老婆已經冇晒感情,我地好少食飯,對屋企只係一個責任,我老婆以前身材好似你咁好,依家已經係一個肥師奶,我又唔鐘意佢著衫,佢又淨係對d仔女好..." (佢係男人嗎?) 5) 有一次,佢話同我傾d野,行到停車場,佢突然話唔記得帶銀包,要揸車返屋企拎返,我迫於無奈坐佢架車,去到佢屋企樓下,佢好快拎左銀包,話車我去食飯,我話唔去,我要返屋企,我daddy等我放工,佢就車左我去銀絲彎,停車開窗,有好多蚊飛入黎,我叫佢唔好開窗,因為有好多蚊咬我,佢話: "我都想做蚊!" (把聲好淫賤) 6)又有一次,佢打電話俾我,叫我開facebook,原來佢add我做frd,ok,到第二日,佢同我講: "我沉晚睇左你facebook好耐,將你所以野都睇晒,嘩你d相好靚,尤其個d沙灘相,簡直冇得頂!" (佢再一次用好淫o既聲啦!我當然o係facebook remove左佢) 7)有一次佢send sms俾我,內容係: "cary i miss you very much, i cant wait to see you on Thursday. Michael" 到星期四佢問我點解唔回覆,佢話: "你係咪嚇親呀?我只不過係想練好d英文!" 8)再有一次,佢坐o係我隔離,佢問我: "cheers點解,點解咁多鬼老講?" 我話可以好多解釋,可以係thank you, you are welcome, 佢就問: "咁 i love you 呢?" (我驚到立即對住電腦打字) 仲有好多不能盡錄,我只想快d忘記佢個把淫賤聲,唔好再有女仔受害,呢個淫賤老闆係變態架!點解自己咁蠢,一而再,再而三俾呢個人欺負!簡直係侮辱呀!!! 有咩方法可以對付呢d人呢? 對於以上佢所講o既野,我都覺得好嘔心呀!!!當時仲會打冷陣呀!!! |
